Retorikk - plan for onsdag 24.08

I dag skal me fortsette med å snakke om og lære om retorikk. Målet er at alle skal skrive eit blogginnlegg på mellom 200-250 ord samanhengande tekst om kvar av desse appellformene:




https://scontent.cdninstagram.com

Etos

Logos

Patos

Når du er ferdig, skal du inn på makkaren din sin blogg, og skrive ein kommentar til innlegget. I kommentaren skal du komme med to postitive merknadar til innlegget og eit tips til kva som kunne vore betre. Viss du er ferdig før makkaren din, kan du bruke litt tid på å legge inn bilete, video osv.

Me skal etterpå sjå nærmare på korleis retorikken kjem til syne i reklamar og samansette tekstar, og de vil få eit reklamebilete å jobbe med.


10.30 skal me få ein kort omvisning på biblioteket i hovudbygget, og då vil eg at alle låner seg kvar si skjønnlitterære bok.

Å opprette ein konto på Blogger

Her viser Arne Olav Nygard korleis du kan opprette ein blogg:





1. Når du har registrert deg og fått ei nettadresse, vil eg at du skal sende den til meg på Itslearning. Då kan eg legge deg til i leselista mi, og dei andre i klassen vi då også få tilgang til din blogg. Etter kvart som eg legg ut adressene dykkar i leselista i bloggen min, er det dykkar ansvar å kopiere dei og legge dei til i leselista i dykkar eigen blogg. Dette tek litt tid, men er veldig greit å berre få gjort med ein gong. Då blir det mykje lettare å finne kvarandre sine bloggar når de treng det.


2. Skriv eit innlegg der du fortel litt om deg sjølv og interessene dine, kva du skal gjere dette året, kva jobb- og skuleerfaringar du har frå før, og om du har planar vidare etter 4. påbygg.


3. Dersom du er ferdig med punkt 1 og 2, kan du legge til bilete, rediere layout eller liknande.

Velkommen til 4PÅE!

Bildekjelde: http://buzzghana.com/wp-content/uploads/2014/03/blogging.jpg

Fyrst og fremst - Velkommen til 4. påbygg på Gand. Eg gler meg til å vere med dykk dette året!


Alle elevane i 4PÅE skal opprette sin eigen blogg. Her skal de skrive små tekstoppgåver, kommentere innlegg og legge ut bilete og evt. video. Alle vil ha tilgang til kvarandre sin blogg, så me kjem til å bruke litt tid på skulen til å lage bloggen og ei leseliste (liste med lenke til dei andre sine bloggar). Nokon av dykk har kanskje erfaring som bloggarar og kan mykje meir enn meg (iallfall sånn teknisk), mens andre aldri har vore borti det før. Dette skal vere ein fagblogg, og eg kjem jamnleg til å vere innom og lese og kommentere.

På bloggen skal de bruke eit sakleg språk, og det skal skrivast på nynorsk eller bokmål.